changes

isang buwan. halos isang buwan din pala akong hindi umuwi sa bahay. at eto ang mga nangyari sa loob ng isang buwan:

1. kulay blue na ang kwarto ko.

2. gumagana na ulit ang shower sa banyo.

3. may road-widening project ang gobyerno ng navotas.

4. payat na ang kuya kong dati kung tawagin ay baboy.

5. nakapunta na ang nanay ko sa sm north nang hindi naligaw (first time!).

6. iba na ang rutang dinadaanan ng monumento-navotas jeepney.

7. hindi na sonny ang pangalan ng kapitbahay naming batang lalaki - alwyna na ngayon.

8. puti na ulit ang buhok ni lola.

9. bago na ang dvd player ng tatay ko, dinispatcha na ang bulok nyang player.

10. may bagong asawa yung ka-live-in ng kapitbahay namin, na minsang pinagpantasyahan namin ng pinsan ko.

yan ang mga pagbabagong hindi ko nalaman noong ako'y nawala. hindi ko alam ang mga iyan, walang nagtangkang magsabi sa akin. pero noong pag-uwi ko'y mayroon din akong pinasabog na bomba:

may boyfriend na ako.