possible reasons bakit malungkot ang pasko ng mga pilipino (special mention si jingo)

1. walang pera.
sabi ng isang pilosopo, hindi mahalaga ang pera. pero sa totoo, ang pera ang nagpapatakbo ng maraming bagay. kung wala kang pera, wala kang kakainin, wala kang isusuot, wala kang titirhan. basic needs pa lang ng tao, wala na. yun na nga yung pinakamababa sa maslow's heirarchy of needs, e pano na yung self-actualization? lalo ngayong pasko, kung saan sa mga malls, kitang-kita ang magagandang dekorasyon, tumutugtog ang mga christmas carols, maraming nagshoshopping (yung mga may pera), at kung anu-ano pang che-che-bureche ng holiday season. pero, reality check, majority ng mga pilipino ang walang noche buena, walang hamon sa mesa, walang regalo sa ilalim ng christmas tree, ni wala ngang christmas tree e! Christmas exudes the spirit of giving, of sharing... e pano kung ikaw mismo e walang-wala, may maishe-share ka pa ba? so i guess, ito yung isa sa mga malaking dahilan kung bakit hindi masaya ang pasko ng mga tao.

2. hindi na alam yung true meaning of christmas.
"For God so loved the world that He gave His only Begotten Son for who so ever believed in Him shall not perish but have an Everlasting Life" John 3:16
bata pa lang ako, memory verse na namin yan sa Sunday School. so bakit nga ba may pasko? kasi pinanganak ang tagapagligtas ng sanlibutan. Christmas is celebrated to reminisce God's greatest gft to mankind. Pero ngayon, tila yung mga regalo at hamon at magagandang damit na nirarampa ng mga kabataan ngayon ang spirit of Christmas. guilty ako dito.

3. hindi kasama ang mga mahal nila sa buhay.
iba pa rin pag kasama mo ang pamilya mo, ang mga kaibigan mo, at ang minamahal mo. pero may mga reasons kung bakit hindi natin sila kasama. katulad nalang ngayong pasko, hindi namin nakasama ang isang kapatid ko, kasi andun siya sa pampanga. ramdam mo na hindi kumpleto ang selebrasyon ng pasko kapag hindi kayo sabay-sabay na dudulog sa hapag-kainan, na magbubukas ng regalo, na pupunta sa bahay ng mga lolo't lola, mga tito't tita, at kung saan-saan pa na tradisyon nyo nang puntahan. pero things change, and we with time...

4. wala dito sa pilipinas. (huhuhu, jingo, ikaw na to!)
sabi nga nung isa kong kaibigan, "hindi ganoong kasaya ang pasko kapag wala ka dito sa pilipinas". that friend used to live here pero their family migrated to the united states and ngayon,andito siya ulit. iba pa rin talaga ang tradisyon ng mga pilipino. queso de bola, puto bumbong, bibingka, hamon, parol, paputok, caroling, "thank you, thank you, ang babarat ninyo thank you!", aguinaldo, simbang gabi, ampaw (yung pulang sobre na binibigay palagi ng mga ninong at ninang ko, usually 100 ang laman. hehe), sako na isinasabit sa may pinto para kay santa (hindi kasi kasya sa medyas yung mga hinihiling ko e, tsaka walang chimney dito, naglalakad lang si santa kaya sa pinto ko sinasabit), at kung ano-ano pang kalokohan pag pasko. nga pala, mahina ang kita ko ngayon, naka-Php3200 lang ako mula sa mga lola't tiya ko. hehe.

5. at higit sa lahat, hindi totoo si santa claus.
si aegee, may magic wand at laruang cellphone galing sa northpole, sina shaymie at benj may bagong toys, si zak may megasketcher na tomy ang tatak, sina stef, toby at denver may mga toys at damit din na hinatid ni rudolph. sabi ng daddy ko, pag mabait daw ang bata, nireregaluhan ni santa. bakit ako walang regalo? dahil ba hindi ko mabait o dahil hindi na ako bata? marahil, hindi totoo si santa...

p.s. kung may mga ibang dahilan pa kayo, bahala na kayo sa buhay nyo.